Бейжіңдегі қысқы Олимпиадаға Қазақстаннан жүзге жуық адам барады. Оның ішінде ұлттық құраманың 34 спортшысы, штабтың 14 қызметкері, ғылыми кешен мамандары мен дәрігерлерден құралған 10 адам бар.
Спортшыларымыздың ең жасы 16-да, үлкені 35-те. Қазақстандық делегацияға қазынадан 228 млн теңге бөлінген. Бірақ ұйымдастырушылар талабына сай, делегаттар саны қысқаруы мүмкін. Тиісінше шығын да азаяды. Ал құраманың оқу-жаттығуы мен дайындығына 400 млн теңге шамасында қаржы жұмсалған. Қазақстан қоржынында жалпы саны 78 лицензия бар. Ұлттық құрама эпидахуалға байланысты Алматы мен елордада жабық жағдайда жаттығып жатыр.