loader

Дэвис кубогі: Қазақстан құрамасы финалға шықты

Дэвис кубогі: Қазақстан құрамасы финалға шықты

Қазақстандық тенисші Александр Бублик әлемнің сегізінші ракеткасы Каспер Рудтен басым түсті. Осылайша Қазақстан Құрамасы норвегиялықтарды мерзімінен бұрын 3:1 есебімен жеңіп, Дэвис кубогінің финалына өтті.

Қазақстанның бірінші ракеткасы кездесудің алғашқы кезеңінде-ақ басымдық танытып, 6-да төрт есебімен қарсыластан айласын асырды. Екінші кезеңде норвегиялық 7-де 5 есебімен есе қайтарған. Алайда ойынның үшінші бөлігінде Бублик екі брейк жасап, жеңіске жетті.

Айта кетейік, Дэвис кубогының алғашқы ойын күнінде Бублик Дурасовичтан басым түскен еді. Сол күні Каспер Руд қазақстандық Михаил Кукушкинді жеңді. Осылайша екі ел арасындағы есеп тең түскен. Бірақ ойынның екінші күні  Голубев пен Недовесов Норвегиялық Дурасович пен Братхольмді жеңді. Бубликтің жеңісі Қазақстан құрамасын Дэвис кубогының Мадридте өтетін финалдық кезеңіне алып шықты.

Александр Бублик, ҚР теннис құрамасының ойыншысы:

– Ойында жеңіп, Қазақстан халқы мен командамызға жеңіс әкелгеніме қуаныштымын. Алда үлкен жоспарлар бар. Соған дайындықты бастаймыз. Әрине, осындай жауапты ойынды жеңу үлкен бақыт.

Юрий Щукин, ҚР теннис құрамасының капитаны:

– Сашаға сендік. Ол сенімді ақтады. Жалпы кездесу сәтті өтті. Жігіттер жарады. Еш аянып қалмай, барын салды. Каспер де мықты ойыншы. Бірақ Сашаның қарқынын өздеріңіз көрдіңіздер. Қуаныштымыз.

 

 

 

Сондай-ақ...