Көркем гимнастикадан Қазақстан құрамасы әлем кубогінің қола жүлдегері атанды

Көркем гимнастикадан Қазақстан құрамасы әлем кубогі кезеңінде жүлдегер атанды, деп хабарлайды Olympic.kz.

Бұл күндері Грецияның Афина қаласында көркем гимнастикадан әлем кубогінің кезеңі өтіп жатыр. Қазақстан құрамасы топтық жаттығулар бойынша үздіктер қатарынан көрінді. Финалда шығыршықпен өнер көрсеткен аруларымыз қола жүлдені еншіледі. Команда сапында Сагина Мұратқызы, Айсұлу Мурзағалиева, Рената Жолдинова, Айдана Шаяхметова және Арудан Қасенова өнер көрсетті. 

Айта кетерлігі, аталған жарыс жаңа Олимпиадалық кезеңнің алғашқы әлем кубогі болып саналады.