476,27 474,60 7,83
+7 (7172) 757 485 24kz@khabar.kz

Бұл шешім біз үшін күтпеген жағдай болды – ҚР ААФ Рахимов ісіне қатысты пікір білдірді

  • 154
  • UPD: 13:47, 24.03.2022
Бұл шешім біз үшін күтпеген жағдай болды – ҚР ААФ Рахимов ісіне қатысты пікір білдірді olimpic.kz

2022 жылғы 22 наурызда спорт төрелік сотының (CAS) допингке қарсы департаменті 2021 жылғы тамызда өткен тыңдау қорытындысы бойынша қазақстандық спортшы Нижат Рахимовтың допинг мәселесіне қатысты ісі туралы шешім шығарды.

Осы шешіммен ауыр атлет Нижат Рахимов тыйым салынған әдісті қолданғаны үшін кінәлі деп танылып, 2021 жылғы 18 қаңтардан бастап сегіз жылға шеттетілді, 2016 жылғы 15 наурыздан бастап спорттық нәтижелердің күші жойылды (алғашқы «даулы» сынаманы алу күнінен бастап). Осыған байланысты Қазақстан ауыр атлетика федерациясы ресми мәлімдеме жасады.

Алдияр Нұралинов, ҚР ААФ Бас хатшысы:

– Әрине, мұндай шешім біз үшін күтпеген жағдай болды, өйткені тыңдау барысында Н.Рахимовтің адвокаттарының дәлелдері сенімді болды және тыңдау сәтінен бастап, бұл алты айдан астам уақыт спортшының атына да, федерацияға да қосымша сұраулар мен түсініктемелер түскен жоқ.

Айта кету керек, бұл үкім бірінші инстанцияның шешімі, тыңдау бір төрешінің қатысуымен CAS допингке қарсы департаменті деңгейінде өтті.

ҚР ААФ допингтің кез келген көрінісіне мүлдем төзбеушілік қағидатын ұстанады, алайда бұл жағдайда халықаралық федерация мен сол кезде допинг бақылауды жүзеге асырған органдарға да қатысты бірқатар сұрақ бар.

– Федерация CAS допингке қарсы департаментінің шешімін апелляциялауға және біздің спортшымызды қолдауға одан әрі көмек көрсетуге дайын, – делінген федерация таратқан мәліметте.

Бұл оқиғаға қатысты ауыр атлеттің өзі де пікір білдірді.

Хабар 24 телеарнасы