Елордада мүмкіндігі шектеулі азаматтар арасында пара-каратэ және каратэ WKF халықаралық турнирі басталды, деп хабарлайды «Хабар 24».
Елімізде өтіп жатқан дүбірлі додаға Ресейден келген спортшылар да қатысуда. Айта кетерлігі, 2018 жылы ашылған пара-каратэ федерациясында бүгінде ел бойынша 100-ге жуық мүгедектігі бар спортшы жаттығады. Еске салайық, Қазақстанда пара-каратэ бойынша 2 әлем чемпионы бар.
Мейрамгүл Дукуева, қалалық каратэ және пара-каратэ федерациясының президенті
– Қазір мүгедектігі бар балаларға арналған бағдарлама тоқтап тұр. Өйткені қаржы жағынан қолдау жоқ. Соның салдарынан мүгедектігі бар балалар секцияға жазыла алмай жатыр. Бүгінде 30 зағип бала кезекте тұр. Қазір 2 әлем чемпионы Лиза мен Керім олармен тегін жұмыс істеп жатыр. Енді біз Artsport-тың ашылуын асыға күтеміз.