Майк Тайсон: YouTube-те бокс лигасын құрамын

Әйгілі спортшы осылай өз лигасын құру туралы шешім қабылдады, деп хабарлайды «Хабар 24».

Бокстан ауыр салмақтағы бұрынғы әлем чемпионы Майк Тайсон тек блогерлер бақ сынайтын өзінің бокс лигасын құрғысы келетінін айтты.

«Мен YouTube-те бокс лигасын құрамын және блогерлердің барлығын соған шақырамын», – деді Тайсон Джимми Киммел шоуында. «Ол жерде олар бір-бірімен соғысады. Сірә, мен де сонда өнер көрсетемін. Мен YouTube чемпионы боламын деп ойлаймын» – деп жалғады ойын Тайсон.

55 жастағы Тайсон 2005 жылы Кевин Макбрайдтан алтыншы раундта техникалық нокаутпен жеңілген соң бокстан кеткен болатын. Соңғы рет 2020 жылы Рой Джонсқа қарсы жекпе-жек өткізді. Жекпе-жек тең аяқталды.