Грузияда өткен шахматтан әлем біріншілігіне Қазақстан құрамасының 74 ойыншысы қатысты

Өрендердің арасында жас болса да, үлкен жетістіктерге қол жеткізген кейбірі атақ-дәрежеден де құр алақан емес, деп хабарлайды «Хабар 24».

Жалпы чемпионатта әлемнің ондаған елінен келген жүздеген шахматшы бақ сынасты.

Георгий Гиоргадзе, Грузия Шахмат федерациясының президенті:

- Ең алдымен, бұл үлкен жетістік: 69 елден 800 адам қатысты. Чемпионат жоғары бағаға ие болды. Балалар көп нәрсе үйренді деп ойлаймын, бұл – олар үшін үлкен тәжірибе. 

Ұлдар мен қыздар арасында турнир 15 қыркүйекте басталып, жиырма сегізіне дейін жалғасты. 8, 10 және 12 жасқа дейінгі үш санатта 11 тур өтті. Ұйымдастырушылардың айтуынша,  шахмат - бейбітшілік пен өзара ынтымақтастықтың халықаралық тілі.

Акакий Иашвили, Халықаралық шахмат федерациясының вице-президенті:

- Құрметті достар, қош келдіңіздер. Геосаяси ахуалға қарамастан бүкіл әлемнің балалары Грузияға келді. Турнирды жоғары деңгейде өткізу үшін, ұйымдастыру комитеті құрылып, үлкен еңбек атқарды. 

Топ жарған жүлдегерлер арасында 6 қазақстандық бар. Ең үздік нәтижеге Марк Смирнов жетті. Ол 10 жасқа дейінгі ұлдар арасында екінші орынға ие болды.

Авторы: Юлия Тужилкина