loader


Қазақ күресі ауқымы мен форматын кеңейтті

Әлем мықтылары Астанаға жиналып жатыр. Бұнда қазақ күресінен кезекті дүниежүзілік дода өтеді, деп хабарлайды «Хабар 24».

Байрақты бәсекенің ерекшелігі – бұл жолы тек ерлер арасында ғана емес, жастар мен жасөспірімдер де өзара мықтыны анықтап, әлем чемпионы атағына таласа алады. Бұған қоса, жарыс бағдарламасына алғаш рет әйелдер арасындағы белдесулер де қосылды. Бұл қазақ күресінің насихатын күшейтіп, оның деңгейін көтеруге көмектеседі дейді мамандар. Әлем чемпионаты алдында ұлттық спорттың басы-қасындағылар баспасөз мәслихатын өткізіп, дайындық барысы жайында айтып берді. Биылғы бәсекеге 40 елден 400-ге жуық палуан қатысады және олар 3 күн бойы өзара мықтыны анықтайды. Белдесулер Жақсылық Үшкемпіров атындағы жекпе-жек сарайында өтеді.

Айта кету керек, қазақ күресі бойынша әлем чемпионаты қазір ресми түрде Біріккен күрес әлемі ұйымының жарыстар күнтізбесіне енген. Дүниежүзілік дода 12-ші желтоқсанда басталады.

Сондай-ақ...