Санжар Тәшкенбай – әлем чемпионы
Өзбекстан астанасында бокстан әлем чемпионаты өтіп жатыр және ең жеңіл салмақтағы алтын жүлде қазақстандық Санжар Тәшкенбайға бұйырды.
Бұған қоса, орта салмақтағы тағы бір жерлесіміз Дулат Бекбауов күміс жүлдеге қол созды.
Өзбекстан астанасы Ташкент қаласынан сөйлеп тұрмын. Бұнда бәрімізге белгілі бокстан жылдың басты бәсекесі әлем чемпионаты өтіп жатыр. Байрақты бәсекені мына менің оң қапталымда тұрған Хумо Арена деп аталатын алып спорттық кешен қабылдауда. Жартылай финалдық кезеңнен кейін 5 бірдей қазақстандық боксшының келесі кезеңге өтуі. Бұдан бөлек, 2 бірдей басқа елдердің атынан өнер көрсетіп жатқан этникалық қазақтың ақтық сынға жолдама алуы қазақстандық жанкүйерлерді кәдімгідей серпілтіп тастады. Кешелі бері жекемізге жазып, өзімізге хабарласып, билеттің бағасын, финалдың басталу уақытын сұрап жатқандар өте көп және бүгін қазақстандық жанкүйерлердің де, осы арнайы келген өзіміздің жерлестердің тыфм көптігін байқадық. Сәйкесінше, жарыс алаңы керемет атмосфераға толы болды. Құдды бір Қазақстанда өтіп жатқан жарыс сияқты әсер қалдырады.
Спнжар жарыс басынан жасындай жарқылдап, негізгі фавориттердің біріне айналған. Ақтық сында да сол қарқынын жоғалтпады. Финалда грузиялық Сахил Алахвердовиді айқын басымдықпен ұтты.
Айта кету керек, жерлесіміз алғаш рет ересектер арасындағы дүниежүзілік додаға қатысып тұр. Сонымен қатар, Қазақстаннан шыққан ең жас әлем чемпионы саналады. Ол қазір небәрі 19 жаста.
Санжар Тәшкенбай, әлем чемпионы:
- Барлық қазақ елі, қолдауларыңызға рахмет. Бұнымен тоқтамаймыз. Алда үлкен шыңдарды бағындырамыз. Өзімнің ағайыма, командама, бауырларыма рахмет айтамын. Әке-шешеме.
Артынша шаршы алаңға тағы бір қазақстандық Дулат бекбауов шығып, әлем чемпионы атағын сарапқа салған болатын. Бірақ, ол ақтық сында өзбекстандық боксшыға есе жіберді.
Нұрлан Ақүрпеков, Дулат Бекбауовтың жеке бапкері:
- Құрметті жанкүйерлер, енді сенімдеріңізді ақтай алмадық. Айыпқа бұйырмаңыздар. Барын салды жігіттер. Санжар Тәшкенбайды алтын жүлдесімен құттықтаймын. Ертеңгі бағдарламада шығатын боксшылармызға шын жүректен сәттілік тілеймін. Бұл жақта оңай болып жатқан жоқ, әрине. Жігіттер бірнеше күн осы жеңіс үшін барлық күш жігерін салуда. Бұйырғ,аны күміс болды. Оған да тәубә дейміз.