Теннисшілеріміз қанша табыс тапты?

200 миллион теңге. Қазақстандық Елена Рыбакина Уимболдон турниріне қатысқаны үшін осынша сыйақы алады.

Жылдың басты бәсекесі Ұлыбритания астанасы Лондон қаласында өтті. Елена былтыр дәл осы байрақты бәсекеде топ жарған болатын. Бірақ, бұл жолы жетістігін қайталай алмады. Ол ширек финалға дейін жетіп, соңғы сында тунистік Онс Жаберге есе жіберді. Соған қарамастан әлемдік рейтингтегі орнын сақтап қалды. Ол қазір 3-ші сатыда тұр. Рыбакинадан бөлек, Қазақстан атынан өнер көрсеткен Александр Бублик 242 мың, ал, Юлия Путинцева 72 мың еуро көлемінде табыс тапты. Ал жұптық сында өнер көрсеткен Александр Недовесов пен Андрей Голубев 8 мың еуродан алады. Олар бірінші айналымнан аса алмады. Ал әйелдер арасында тағы бір қазақстандық Анна Данилинаға 17 мың еуро көлемінде сыйақы тыбысталады.