Еуропа чемпионаты тарихындағы ең жылдам гол
Париж олимпиадасына жолдама алған жерлестеріміздің саны тағы екеуіге артты.
Бұл жолы жүзу түрлерінен Әділбек Мусин мен Ксения Игнатова жазғы ойындарға қатысатыны белгілі болды. Әділбек 100 метрге баттерфляй және еркін әдіспен жүзуден сынға түссе, Ксения 100 метрге шалқалай жүзуде жүлдеге таласпақ.
ЕУРО-2024: Нидерланды ширек финалға шықты
Германияда футболдан жылдың басты бәсекесі Еуропа чемпионаты жалғасып жатыр.
Жарыстың кезекті күні плей-офф кезеңіндегі соңғы кездесулер өтті. Әсіресе, көпшілік Нидерланды және Румыния матчын асыға күткен еді. Бұл ойында алғашқылары айқын басымдық танытты. 20-минутта «Ливерпуль» шабуылшысы Коди Гакпо Хави Симонстың пасын голға айналдырды. Ал екінші таймда Гакпоның соққан тағы бір голы есепке алынбады. Дегенмен, 83-минутта дәл осы Гакпоның пасын Доньелл Мален оңтайлы қолданып, есеп айырмасын ұлғайтты. Ал қосымша уақытта алғы шепке шыққан Мален дубльдің авторы атанып, қорытынды нәтижені 3:0-ге жеткізді.
Осылайша Нидерланды құрамасы сенімді түрде келесі кезеңге жолдама алды. Ал Румыния үшін биылғы құрлықтық дода осымен аяқталды.
ЕУРО-2024: Түркия Австрияны жеңді
Түркия мен Австрия мачында рекорд тіркелді.
Қос команда Лейпциг қаласында кездесіп, ширек финалдың соңғы жолдамасын сарапқа салған. Бұл матч салыстырмалы түрде тарытсты өтті. Әсіресе, Түркия сапындағы Мерих Демираль 57-секундта мергендігімен көзге түсіп, өз командасын алға шығарды. Уақыт көрсеткіші бойынша бұл Еуропа чемпионаты тарихындағы ең жылдам гол саналады. Ал 59-минутта Демираль тағы бір мүмкіндігін сәтті пайдаланып, есеп айырмасын ұлғайтты.
Австрия футболшылары 66-минутта ғана қарымта бір доп соқты және дәл осы нәтиже ойын соңына дейін өзгермеді. Қорытынды есеп: 2:1. Осының арқасында Түркия жарысты жалғасытруға мүмкіндік алды. Ал Австрия аяқдопшылары енді үйлеріне қайтады.
ЕУРО-2024. Дерек
Сонымен, ширек финалға шыққан командалар толық анықталды.
Авсрия құрамасын жеңген түріктер енді Нидерланды командасымен жолығады.
Ал Англия Швейцариямен кездседі. Бұл мачтар 6 шілде күні өтеді. Оған дейін, яғни, 5 шілдеде Испания мен Германия және Португалия мен Франция жұптары өзара мықтыны анықтайды. Жеңіске жеткен тараптар тікелей жартылай финалға шығады.
Германиядағы Еуропа чемпионаты 14 шілдеге дейін жалғасады. Дәл осы күні финалдық мачт өтеді деп жоспарланып отыр.
Рыбакина екінші кезеңге өтті
Рыбакина Wimbledon турнирін жеңіспен бастады. Әлемдік рейтингте IV тұрған Қазақстан теннисшісі алғашқы айналымда румяниялық Елена Габриэламен кездесті. Ол рейтингте 152-сатыда. Сәйкесінше, Елена айқын басымдықпен ұтты. Бірінші партияда 6:3 есебімен жеңсе, екінші партияда 6:1 нәтижесі тіркелді. Енді отандасымыз неміс теннисшісі Лаура Зигемундпен жолығады.
Қазақстанның екніші нөмірлі теннисшісі Юлия Путинцева алғашқы айналымда германиялық Анжелика Керберді ұтты. Бұнда да мачт 2 сетке созылды. Қорытынды есеп: 7:5, 6:3.
Ал ерлер арасында қазақстандық Александр Бублик те сәтті өнер көрсетті. Ол чехиялық Якуб Меншиктің осал тұсын тапты. Матч бес партияға созылды. Енді Бублик екінші айналымда француз Артур Казомен кездеседі.
Лондон қаласындағы турнир 14 шілдеге дейін жалғасады. Оның жалпы жүлде қоры рекордттық деңгейге өсті. Яғни, 63 миллион доллар.
Аслан Қаженов, 24.KZ