Қазақстан футбол құрамасы Словениямен кездеседі

Бүгін футболдан Қазақстан құрамасы UEFA Ұлттар лигасы аясындағы кезекті кездесуін өткізеді.

Алматыда жерлестеріміз Словенияны қабылдайды. Матч елорда уақытымен кешкі 17:50-де басталады. Бұл ойында Англиядан келген төрешілер бригадасы қазылық етеді. Бұған дейін Қазақстан Словенияға қонаққа барып, 0:3 есебімен жеңіліп қалғаны белгілі. Ұлттық құрама Б лигасының үшінші тобында сынға түседі. Біздің топта Словениядан бөлек Норвегия және Австрия бар. Ресейлік маман Станислав Черчесовтен тәлім алатын жерлестеріміз биылғы Ұлттар лигасында әлі қарсыластар қақпасына гол соққан жоқ. Қазақстан құрамасы Норвегиямен 0:0 есебімен тең түсіп, Аустриядан 0:4 есебімен ойсырай жеңілді. Жалпы Словения мен Қазақстан үш мәрте кездесіп, барлығында словениялық футболшылар жеңіске жетті.