Wrestling Stars: әлемдік күрес жұлдыздары Астанада белдеседі
Ертең әлемдік күрес жұлдыздары елорда төрінде белдеседі, деп хабарлайды 24KZ. Қатысушылар Wrestling Stars турнирі аясында өзара мықтыларды анықтайды. Арасында Олимпиада ойындарының қола жүлдегері италиялық Франк Чамисо, әлем чемпионы қырғызстандық Ұлықбек Жолдошбеков сынды мықты балуандар бар. Бұл сайыста ел намысын Азамат Дәулетбек пен Қорлан Жақанша қорғайды. Соған байланысты балуандар алдын ала көз түйістіру рәсіміне қатысып, БАҚ өкілдерінің сауалдарына жауап берді.
Дәурен Жабасов, Қазақстан күрес федерациясының вице-президенті:
- Бұл турнир үшінші мәрте өтіп жатыр. Қазақстандық 2 балуан, Әзербайжан мен Өзбекстаннан 6 палуан күреседі. І, ІІ, ІІІ орындарға. Мақсаты – күресті дамыту. Яғни, халыққа, жастарымызға осы күрес түрін көрсетіп, насихаттау.