Қазақстан Венгрияда функционалды көпсайыстан әлем чемпионатына қатысып жатыр

Венгрия астанасы Будапеште функционалды көпсайыс бойынша әлем чемпионаты басталды, деп хабарлайды 24kz.

Онда фитнес шеберлері бақ сынасады. Додаға 36 елден 824 атлет барған. Қатысушылар 6 санат бойынша сынға түседі. Спортшылардың ең жасы 12-де, ал үлкені 66-да. Былтырғы чемпионатта Норвегия командасы жеңімпаз атанған. Арасында еліміздің спортшылары да бар. Халықаралық сайыс 15 желтоқсанға дейін жалғасады.

Гретчен Киттельбергер, Халықаралық функционалды фитнес федерация президенті:

- Мен баршаңызға «Супер әлемдер» деп аталатын биылғы әлем чемпионатына «Қош келдіңіздер!» деймін. Бұл бірнеше мәдениеттің өкілі – дүниежүзінің түкпір-түкпірінен келген спортшыларды біріктіріп келе жатқан ғаламат жоба. Алғашқы әлем чемпионаты 2017 жылы өтіп, оған 8 елден ғана қатысқан еді. Содан бері 7 жылдың ішінде қызығушылар саны еселеп артқанын көріп отырмыз.