ЕУРО-2026: Футзалдан ұлттық құрама іріктеу кезеңін жеңіспен бастады

Футзалдан Қазақстан ұлттық құрамасы Еуропа чемпионатының іріктеу турнирін жеңіспен бастады.

Ал байрақты бәсекенің өзі 2026 жылы Латвия мен Литвада өтеді деп жоспарланған. Рикардо Каканың шәкірттері бұл жолы албаниялық аяқдопшылардан басым түсті. Тирана қаласында өткен кездесу 2:0 есебімен аяқталды. Қарсыластың қақпасынан саңылау тауып, командаға жеңіс әперген Лео және Ақжол Дәрібай. 18 желтоқсанда біздің спортшылар енді өз алаңында армениялықтарды қабылдайды.