Бүгін, 18 наурызда Дохада үстел теннисінен Азия іріктеу ойындары басталды. Қазақстан командасы Токиода өтетін Олимпиада ойындарына лицензия үшін күресті бастады, деп хабарлайды Olympic.kz. Қазақстандық спортшылар алғашқы кездесулерін өткізді. Кирилл Герасименко – Эльмурод Холиковты (Өзбекстан), Зәуреш Акашева – Мархабо Магдиеваны (Өзбекстан), Анастасия Лаврова Шима Сафайды (Иран) жеңсе, Айдос Кенжеғұлов Ношад Аламияннан (Иран) жеңіліп қалды. Қазақстандық спортшылардың алдағы қарсыластары: Кирилл Герасименко – Нима Аламиян (Иран); Айдос Кенжеғулов – Азамат Эргешов (Қырғызстан); Анастасия Лаврова – Римма Гуфранова (Өзбекстан); Зәуреш Акашева – Неда Шахсавари (Иран).