429,51 502,00 5.40
+7 (7172) 757 485 24kz@khabar.kz
ҚАЗ


Қазақстанда Стратегиялық даму және жоспарлау жөніндегі агенттік құрылады

  • 113
  • UPD: 17:33, 01.09.2020

Елімізде мемлекеттік қызметкерлердің саны күрт қысқарады, деп хабарлайды «Хабар 24».

Биыл 10 процентке, келесі жылы тағы 15 процентке азаймақ. Мемлекет басшысы Қасым-Жомарт Тоқаев елге жолдауында осылай деді. Президент мемлекеттік басқару жүйесін жедел түрде өзгерту керектігін айтты. Билікке тың ойы бар, жалындап тұрған жастарды тарту қажет. Шенділердің жұмысы енді балдық жүйемен бағаланады. Осалдық танытқаны қызметінен кетеді. Ал белсенділерінің айлығы көбейеді. Осылайша шенеуніктердің арасында бәсекелестік пайда болады.

«Бұдан былай министрліктерде жауапты хатшы деген болмайды. Оның түкке де керегі жоқ деді», – Қасым-Жомарт Тоқаев. Осы ретте елге қажет деген бағдарламалар енді басқаша әзірленетін болды. Президент Стратегиялық жоспарлау және реформалау агенттігін құруды тапсырды. Бұл ұйым елдің даму бағытын айқындап, бағыт-бағдар беріп отырмақ. Статистика комитеті енді аталған агенттіктің құрамына кіреді. 

Қасым-Жомарт Тоқаев, Қазақстан Республикасының Президенті:

– Мемлекеттік басқару саласын жүйелі түрде реформалау керек. Алдымен кадрлық саясатты өзгертеміз. Дағдарыс пен пандемия кезінде бұл салада біраз шикіліктің бары анық байқалды. Сондықтан Стратегиялық жоспарлау және реформалау агенттігін құруды тапсырамын. Мұндай агенттік бұрын бізде болған. Өз тиімділігін көрсетті. Сондықтан қайтадан құру қажет. 

Тоқаевтың Қазақстан халқына жолдауы

 

Өзге тақырыптар бойынша:

Қазақстанда Стратегиялық даму және жоспарлау жөніндегі агенттік құрылады.

Президент Қазақстанда мемлекеттік аппарат қысқартылатынын айтты.

Сондай-ақ келесі жылы Жер кодексіне өзгерістер енгізіледі.

Мемлекеттік қызметкерлердің жалақысы көбейеді.

2021 жылдың 1 шілдесінен бастап факторлы-балдық шкаланы енгізу керек. Мемлекет басшысы жолдау кезінде осылай деп мәлімдеді.

Елімізде Бәсекелестікті қорғау және дамыту агенттігі құрылады.

ҚР Президенті Қ.Тоқаев Қазақстан халқына жолдауы кезінде 2021 жылдың қаңтар айынан бастап мұғалімдер жалақысы 25 процентке көтерілетінін айтты.

Хабар 24 телеарнасы