378,17 430.15 5.89
+7 (7172) 757 485 24kz@khabar.kz
РУС

Наурыз айында Қазақстанда ауа райы қандай болады?

  • 405
  • UPD: 17:43, 02.03.2019
Наурыз айында Қазақстанда ауа райы қандай болады?

Алдағы күндері Қазақстанда көктемге тән тұрақсыз, құбылмалы ауа райы күтіледі.

Бұл туралы Қазгидрометтің баспасөз қызметі хабарлайды.

Республиканың солтүстік бөлігінде кей жерлерде қар, бұрқасын, көктайғақ болжанады. Оңтүстік бөлігінде жауын-шашын (арты жаңбырға ұласатын қар), тұман, көктайғақ. Ауа температурасы солтүстік бөлігінде түнде 0...5, кей жерлерде 10 градус аязға дейін, күндіз 0...5 жылыға дейін көтеріледі; оңтүстік бөлігінде түнде 0...5, кей жерлерде 10, күндіз 10...18 градусқа дейін көтеріледі.

5-7 наурыз аралығында Ресейдің оңтүстік бөлігі аймағынан келген суық антициклон бүкіл республика аумағында ауа температурасының төмендеуіне себеп болады. Солтүстікте, шығыста, орталықта сынап бағанасы түнде 10...15, кей жерлерде 20 градус аязға дейін төмендейді. Батыста оңтүстікте, оңтүстік-шығыста түнде 2...7 градус аязға дейін төмендейді.

Халықаралық әйелдер күні және демалыс күндері ауа райы қайта жылынады, күндіз батыста, оңтүстік-батыста 3...8 градус жылы болады. Солтүстікте, шығыста, орталықта минус 5 градус аяз болады. Оңтүстікте, оңтүстік-шығыста 10...15 градусқа дейін жылынады.

Айдың екінші жартысында суық қайтуы мүмкін.

Телеканал Хабар 24