Австралияда әлемдегі үйректұмсықтарға арналған алғашқы қорық ашылмақ

Ол Сиднейден солтүстік-батысқа қарай 400 шақырымдай жерде орналасатын болады, деп хабарлайды «Хабар 24».

Қорық аумағында бастапқыда 65 үйректұмсық өсіру жоспарланған. Табиғатты қорғаушылар жоба арқылы осы жануарлардың жабайы табиғатта қалай көбейетінін зерттеуді де көздеп отыр. Жалпы Австралияда мүйізтұмсықтар елдің Шығысы мен Тасмания аралындағы көлдер мен өзен жағаларында кездеседі. Бірақ қазірге дейін олардың тіршілігі көп зерттеле қоймаған. 

Камерон Керр, Taronga Conservation Society Australia ұйымының басшысы

- Қорық бірнеше тоғаннан тұрады. Олардың шетінен жануарлар індерін қазып балапан басатын арнайы жағалар ашпақпыз. Мұндай бастаманы бұған дейін ешкім қолға алған емес. Сондықтан жобадан үйренеріміз көп.