424,94 504.55 5.82
+7 (7172) 757 485 24kz@khabar.kz
РУС

Арал теңізіне батып кеткен ер адамның мәйіті табылды

  • 234
  • UPD: 11:00, 10.07.2021
Арал теңізіне батып кеткен ер адамның мәйіті табылды Иллюстративті фото

Қызылорда облысындағы Кіші Арал теңізі аумағында екі күн бұрын моторлы қайықтан аударылып, суға батып кеткен 43 жастағы азаматтың денесі табылды, деп хабарлайды ҚазАқпарат.

Еске салсақ, оқиға 7 шілдеде Кіші Арал теңізі аумағында болған. Ол Ақеспе ауылынан 3 шақырымдай қашықтықта орналасқан. 1978 жылғы азамат сағат 16.00-де моторлы қайықпен кетіп бара жатқан сәтінде теңізге батып кеткен. «Оқиға орнына облыстық төтенше жағдайлар департаменті өрт сөндіру қызметінің жедел-құтқару жасағынан 4 құтқарушы мен 1 техника барды. Суға кеткен азаматтың мүрдесі 9 шілдеде сағат 17.43-те табылды. Құтқарушылар марқұмның мәйітін туысқандарына тапсырды», - деді облыстық төтенше жағдайлар департаменті өрт сөндіру және авариялық құтқару жұмыстары қызметінің маманы Әлия Ережепова. Ведомство мәліметінше, жыл басынан бері 38 адам суға кеткен. Оның ішінде 20-сы бала.

Телеканал Хабар 24