379.54 427.25 5.93
+7 (7172) 757 485 24kz@khabar.kz
РУС


Головкин командасындағы қазақстандық боксшы жаңа салмақта жеңіске жетті

  • 203
  • UPD: 14:14, 25.03.2019
Головкин командасындағы қазақстандық боксшы жаңа салмақта жеңіске жетті vesti.kz

Төрешілердің бірауыздан шығарған шешімімен Ахмедов 80-72, 79-73, 78-74 есебімен жеңіске жетті.

Кәсіпқой бокста жаңа салмаққа ауысқан қазақстандық боксшы Әли Ахмедов жеңіске жетті, - деп хабарлайды Vesti.kz. 23 жастағы Ахмедовтың қарсыласы сегіз раундтық кездесуде америкалық 37 жастағы Майк Гай болды.

Кездесу АҚШ-тың Калифорния штатындағы Голивудта Hollywood Fight Nights шоуы аясында ұйымдастырылды. Төрешілердің бірауыздан шығарған шешімімен Ахмедов 80-72, 79-73, 78-74 есебімен жеңіске жетті.

Қазақстандық боксшы жаңа салмақта бірінші рет өнер көрсетті - бұрындары ол жартылай ауыр дивизионда өнер көрсетіп келді.

Осылайша, Ахмедов 14 кездесудің барлығында (10 КО) да жеңіске жетті. Гай болса спорттық мансабында төртінші рет жеңіліке ұшырады. Ол бұрындары тоғыз рет жеңіске жетіп, бір рет тең түскен.

Айта кетейік, Ахмедов Геннадий Головкинге (38-1-1, 34 КО) тиесілі GGG Promotions компаниясының атынан өнер көрсетіп жүр. Жартылай ауыр салмақта ол WBC «жастар» белбеуін иеленген және үздік 15 боксшылар рейтингіне кірген.

Hollywood Fight Nights шоуын GGG ісін жүргізуші Том Леффлерге тиесілі 360 Boxing промоутерлік компаниясы ұйымдастырды.

Телеканал Хабар 24