378.77 425.70 5.86
+7 (7172) 757 485 24kz@khabar.kz
РУС


FINA мүшелері Алматыда су добынан біліктілік арттыру курсын өткізді

  • 109
  • UPD: 23:58, 06.05.2019
FINA мүшелері Алматыда су добынан біліктілік арттыру курсын өткізді

Халықаралық жүзу федерациясы (FINA) Қазақстан су спорты түрлері федерациясымен бірлесе отырып, Алматыда сертификаттау сабақтарын өткізді деп хабарлайды Olympic.kz. 

2-4 мамыр аралығында өткен курста су добынан 28 қазақстандық және 1 мысырлық төреші ойынның жаңа стандарттары бойынша біліктілігін арттырды. 

Айта кетелік, биыл FINA су добы ережелеріне біраз өзгеріс енгізді. Видеобақылаудың инновациялық жүйесі іске қосылып, төрешілер арнайы аудиоқұрылғылар пайдалана бастайды. Сондай-ақ, айып добы мен бұрыштаманы орындау ережелері де өзгеріске ұшырады. 

Біліктілікті арттыру курсының қорытындысы бойынша 17 қазақстандық төреші аттестациялаудан өтті. Бұл FINA сапындағы қазақстандық төрешілердің көбеюіне септігін тигізбек. Сондай-ақ, елішілік жарыстардағы төрешілік деңгейінің өсуіне көмектеседі.

Телеканал Хабар 24