426,73 523.00 5.95
+7 (7172) 757 485 24kz@khabar.kz
РУС

Спорттық гимнастикадан Токиодағы бақылау жарысы мамыр айына жоспарланды

  • 303
  • UPD: 17:14, 11.02.2021
Спорттық гимнастикадан Токиодағы бақылау жарысы мамыр айына жоспарланды

Халықаралық гимнастика федерациясы коронавирусқа байланысты Токио Олимпиадасына іріктеу турнирлерін кейінге қалдырды.

Бұл туралы olympic.kz ұйымның баспасөз қызметіне сілтеме жасап хабарлады.

Әлемдік ұйым жекелеген көпсайыстан әлем кубогінің екі кезеңі өтпейтінін мәлімдеді. Жалпы алғанда серия төрт кезеңнен тұратын: Милуоки (АҚШ), Штутгарт (Германия), Бирмингем (Ұлыбритания) және Токио (Жапония).

Алғашында аталған турнирлер 2020 жылдың мамыры мен сәуірі аралығында өтеді деп жоспарланған. Бірақ COVID-19 індетіне байланысты Милуокидегі турнирлердің басқасы 2021 жылға ауыстырылды. Әзірге Токиодағы бақылау жарысының нақты өту-өтпеуі белгісіз. Аталған сын 4 мамырда ұйымдастырылады деген болжам бар.

Қазіргі таңда спорттық гимнастикадан ерлер арасындағы 98 квотаның 82-сі өз иесін тапты. Әйелдер арасында 84 жолдама иегерлері анықталған. Қалған лицензиялық әлем кубогі кезеңдері мен құрлық біріншіліктерінде таратылады. 

Телеканал Хабар 24