ХХХІ жазғы Олимпиада ойындарының жүлдегерлерін марапаттау рәсімі

Елбасы Нұрсұлтан Назарбаев «Қазақстан» орталық концерт залында Риодан оралған Олимпиада жүлдегерлерін жеңістерімен құттықтады.

200-ден аса мемлекеттің ішінде 22-орынға тұрақтаған Қазақстан құрамасының жетістігі өскелең ұрпаққа үлгі екенін, ел Тәуелсіздігінің 25 жылдығына жасалған үлкен тарту екенін атап өтті.

Ел абыройын асқақтатқан, көк туды Рио төрінде желбіреткен Данияр Елеусінов, Дмитрий Баландин, Нижат Рахимов және Василий Левитті Елбасы II дәрежелі «Барыс» орденімен марапаттады. Ал Жазира Жаппарқұл, Иван Дычко, Елдос Сметов пен Гюзель Манюрова «Парасат» орденін алды. Қалған жүлдегерлер «Құрмет» орденіне ие болды.