Бразилияда су тасқынына байланысты 50 қалада ТЖ енгізілді

Бразилияда су тасқынынан екі штатта орналасқан 50 қалада төтенше жағдай режимі енгізілді.

Ақпарат көздерінің хабарлауынша табиғаттың тосын мінезінен 7 адам мерт болған. Тағы 175 тұрғын түрлі жарақат алды. Апаттан 2 мыңға жуық адам баспанасынан айырылды. Алапат тасқыннан бірнеше көпір қирап қалған. Ел президенті Жаир Болсонару зардап шеккен аудандарға қазынадан қаржы бөлінетінін хабарлады. Қазір қауіпті аймақтарда эвакуация жұмыстары жалғасып жатыр.