СҚО-дағы адамдар қауіпсіз жерге шығарылды

Солтүстік Қазақстан облысында Қарулы күштердің 700-ден астам өкілі бірнеше топқа бөлініп, зардап шеккендерді эвакуациялау мен бөгеттерді нығайту жұмыстарына көмектесіп жатыр.

Подгора ауданында жергілікті тұрғындар эвакуацияланды. Хром зауыттағы, Кожевин көшесіндегі және қалалық жағажайдағы бөгетті күшейту жұмыстары жалғасып жатыр. Әскери қызметшілер Бескөл кентінде жол полициясымен бірлесіп, Жамбыл және Рабочий көшелерін қоршау жұмыстарын жүргізді. Сондай-ақ Петропавл тұрғындарына ауызсу жеткізуді ұйымдастырды.