Жүзуден Ресей чемпионаты: Қазақстан ерлер құрамасы финалда бақ сынайды

Жүзуден Қазақстан ерлер құрамасы аралас эстафетадан Қазанда өтіп жатқан Ресей ашық чемпионатының финалына шықты, деп хабарлайды Olympic.kz.

Төрт спортшыдан құралған ел командасы тиісті қашықтықты 3:41.43 уақытта бағындырды. Нәтижесінде іріктеу кезеңінде үздік көрсеткішті тіркеді. Аталған жарыста Қазақстан намысын Дмитрий Баландин, Әділ Қасқабай, Александо Варакин және Әділбек Мусин қорғап жатыр.

Финал бүгін, 9 сәуір күні, сағат 21:32-де басталады.

Бұған дейін Баландин осы турнирде күміс алғанын хабарлағанбыз.