Президент Ұлытау облысының әкімін қабылдады. Есет Байкен өңірдің әлеуметтік-экономикалық даму барысы және жоспарларын баяндады.
Атап айтқанда, аймақтағы инфрақұрылымды дамыту, инвестиция тарту, өнеркәсіп әлеуетін көтеру, инженерлік желілерді жаңғырту және тұрғындарға сапалы әлеуметтік қызмет көрсету жайында мәлімет берді. Сондай-ақ басым жобаларға қатысты ұсыныстар айтылды. Кездесу соңында Мемлекет басшысы облыстың орнықты дамуын қамтамасыз етуге, өңірдің инвестициялық тартымдылығын арттыруға және азаматтардың тұрмыс сапасын жақсартуға бағытталған бірқатар тапсырма берді.
Тегтер #Мемлекет басшысы #Ұлытау облысы #облыс әкімі #Басты жаңалықтарPhone: +7 (7172) 757 485
E-Mail: 24kz@khabar.kz