Каспиймен бірге итбалығын да сақтап қалу күн тәртібіндегі күрделі мәселе.
Президент теңізді тел емген бес мемлекетті түйткілдің түйінін бірлесе тарқатуға шақырды. Халықаралық қоғамдастық та қолдау танытса құба-құп. Себебі Арал қасіретінің салдары ауыр болғаны баршаға аян. Бұл табиғи ресурстарды жауапсыз пайдаланудың кесірінен туған кесапат. Ал Каспийдің қазіргі күйі әлемге мәлім. Итбалығы да кеміп жатыр. Соңғы ғасырда саны 1 млн-нан 270 мыңға дейін азайған. Әйтсе де, ерік-жігер болса биологиялық алуандылықты тірілтуге тетік көп. Қасым-Жомарт Тоқаев елдегі елеулі өзгерістерге тоқталды. Қазақ даласына Пржевальский жылқыларын қайта жерсіндіру қолға алынғанын айтты. Киіктің әлемдік популяциясының 98 пайызы да бізде мекендейді. 21 мың бастан 4 млн 700 мыңға жеткен. Сондай-ақ өткен ғасырдың тоқсаныншы жылдары құрып кетудің аз-ақ алдында тұрған ілБІСтің популяциясы қар барысын қорғау және жүйелі ғылыми мониторинг шараларының нәтижесінде шамамен 190-ға дейін көбейді. Тұран жолбарысы да тарихи мекеніне тұрақтады.
Тегтер #президент #COP17 #Каспий #итбалық #24KZPhone: +7 (7172) 757 485
E-Mail: 24kz@khabar.kz