Маңғыстаудағы ең жас аудан Мұнайлыда кезекті рет тазалық шарасы өтті, деп хабарлайды 24KZ. Бұл жолы «Tazalaik Fest» деп аталған игі бастамаға 400-ден астам адам жұмылды.
Таңсәріден аудан халқы тайлы-таяғы қалмай, коммуналдық кәсіпорын қызметкерлерімен бірлесе 11 аумақта санитарлық тазалық жұмысын атқарды. Жарты тәулік ішінде 40 тонна қоқыс жиналып, 8 жүк көлігімен арнайы полигонға тасылды. Сондай-ақ Маңғыстау ауылында орталық саябақта және көше жолдарының жиегіне 145 тал көшеті егілді. Көпшілік ағаштардың түбін әктеп, жас шыбықтарды суарды.
Айта кетсек, «Таза Қазақстан» эконауқаны аясында жоспарлы іс-шаралар Мұнайлыда жылдың соңына дейін жалғасады.
Шапай Әбілов, Мұнайлы аудандық ардагерлер кеңесінің төрағасы:
- Халқымызға, мына еліміздегі жастарымызға үлгі ретіндегі осы көгалдандыру жұмыстары – сол «Таза Қазақстан» акциясындағы тапсырманы жүзеге асыру бағытындағы мәселе. Осы егілген ағаштарымызды келешекте суарып, соның көгеруін қадағалап көгалдандыру жұмыстары одан әрі жалғаса берсін деп тілейміз. Жұмысымызға сәттілік, баршаңызға амандық тілеймін.
Тегтер #Мұнайлы ауданы #Маңғыстау #Таза Қазақстан #24KZPhone: +7 (7172) 757 485
E-Mail: 24kz@khabar.kz