Қазақстан мен Мажарстан арасындағы тауар айналымы 22% өскен.
Биыл көрсеткіш шамамен 200 млн долларға жетті. Бұл туралы Тамаш Шуйокпен кеңейтілген құрамда келіссөз жүргізген Қасым-Жомарт Тоқаев мәлімдеді. Мемлекет басшысының айтуынша, екіжақты сауда-экономикалық қарым-қатынастардың берік негізі мен зор әлеуеті бар. Тараптар сауда-инвестиция, энергетика секторы, атом энергиясы және көлік-логистика сынды салаларды талқылады. Тамаш Шуйок Қазақстанмен жан-жақты байланыстарды дамыту Мажарстанның сыртқы саясатында айрықша орын алатынын жеткізді.
Қасым-Жомарт Тоқаев, Қазақстан Республикасының Президенті:
- Бүгінде Қазақстан экономикасына 400 миллион долларға жуық инвестиция салған 35-тен аса мажар компаниясы жұмыс істеп жатыр. Біз қазірдің өзінде ауыл шаруашылығы, жаңартылатын энергия, денсаулық сақтау, логистика мен қаржы салаларында 607 миллион долларға бағаланатын 20 бірлескен жобаны іске асырып жатырмыз.
Тегтер #Қазақстан #Мажарстан #тауар айналымы #ТаңдаулыPhone: +7 (7172) 757 485
E-Mail: 24kz@khabar.kz