Елде әлеуметтік, медициналық және көлік инфрақұрылымы жаңғыртылып жатыр. Қарағанды облысының Осакаров ауданында 1 мың 200 бас сауын сиырға арналған сүт фермасының бірінші кезеңі іске қосылды.
Ақтөбе облысының Бадамша ауылында төрт қабатты диагностикалық орталық жұмысын бастады. Таразда екі жылжымалы медициналық кешен қолданысқа берілді.
Сондай-ақ «Сарыағаш» теміржол вокзалы жаңғыртылды. Ал Жетісу облысында «Талдықорған-Үштөбе» күрежолының 42 шақырымдық бөлігі жөнделді. Абай облысының Бесқарағай ауданында жаңа өрт сөндіру стансасы салынды.
Бұдан бөлек, Шығыс Қазақстан облысының Құлынжон ауылында мектеп-интернат пен спорт кешені пайдалануға берілді.
Тегтер #жаңа нысан #медицина #көлік инфрақұрылымы #сүт фермасы #сиыр #диагностикалық орталық #теміржол вокзалыPhone: +7 (7172) 757 485
E-Mail: 24kz@khabar.kz