Шығыс Қазақстан облысының дәрігерлері мен құтқарушылары балаларды алғашқы медициналық көмек көрсетуге баулып жатыр, деп хабарлайды 24kz.
Оқу-жаттығу жазғы сауықтыру лагерлерінде өткізілді. Жеткіншектерге орманды алқаптағы қауіпсіздік талаптары түсіндірілді. Жараланған жерді таңу, жасанды тыныс алу, тұтанған отты өшіру, қызыл жалын шарпыған аймақтан шығу тәсілдері көрсетілді. Апат кезіндегі іс-әрекеттер интерактивті ойын түрінде үйретілді. Оқушылар қызметтік иттермен жүргізілетін іздестіру шараларын да тамашалады.
Айсара Жеңісбекқызы, «Дарын» білім беру басқармасының әдіскері:
- Бізге осындай іс шаралар өте қажет. Балалар алғашқы көмек көрсету кезінде өзін дұрыс ұстай білу керек. Көп білмейтін балалар бар. Ата-аналар үйретпейді. Бұны біз үйрету керекпіз. Төтенше жағдай қызметкерлері үйрету керек деп ойлаймыз. Балалар үлкен өмірге аяқ басу үшін осындай үлкен шаралар қажет.
Мирас Нұрмахан, оқушы:
-Маған бүгін Хит атты ит ұнады. Ол өзінің тәжірбиесімен одан кейін төрт аяқты болса да, бірақ адамдардан көп пайда тигізетінін көрдім. Ол жоғалған адамдарды немесе судың ортасында қалған адамдарды құтқарады.
Тегтер #Шығыс Қазақстан облысы #құтқарушылар #оқушылар #алғашқы медициналық көмекPhone: +7 (7172) 757 485
E-Mail: 24kz@khabar.kz