Елімізге келген меймандарға QR-коды бар турист картасы табысталды.
Ақтөбе станциясына Ресейден келген жолаушыларды желілік полиция бөлімінің қызметкерлері күтіп алды. Олар пойыздан түскен шетел азаматтарына туристер картасын таратты. Олар QR-код арқылы жедел қызметтер туралы қажетті ақпаратпен таныса алады. Арнайы сайтта жедел жәрдем мен құтқару қызметінің нөмірі, көші-қон тіркеу ережелері мен ұялы байланыс операторларының тізімі, такси қызметтері туралы деректер бар. Әлемнің бірнеше тілінде қауіпсіздік ережелері жазылған.
Данияр Таскенов, Ақтөбе станциясы желілік полиция бөлімі бастығының орынбасары:
- Турист картасы шетел азаматтарына халықаралық әуежайлар мен темір жол вокзалдарында табысталады. Яғни Қазақстанға кірген сәттен-ақ қажетті ақпарат пен қызмет туралы хабардар болады. Басты мақсатымыз елімізге келген туристтердің қауіпсіздігін қамтамассыз етіп, қонақтарымыз өздерін жайлы сезінуі тиіс.
Тегтер #хабар24 #жаңалықтар #туризм #Қазақстан #карта #ТаңдаулыPhone: +7 (7172) 757 485
E-Mail: 24kz@khabar.kz