Сәтбаев қаласында жаңа Конституция жобасын қолдауға арналған өңірлік жастар форумы өтті.
Оған өндірісте тер төгіп жүрген еңбекші жастар мен еріктілерден 500-ден астам делегат қатысты. Ұйымдастырушылар шараның мақсаты – Ата заңның жаңа жобасын түсіндіру және жастардың азаматтық белсенділігін арттыру дейді. Форум спикерлері конституцияның жаңа жобасындағы негізгі басымдықтарға тоқталып, алдағы референдумның маңыздылығын айтты. Ал жастар өз кезегінде сұрақ-жауап түрінде өткен пікір алмасуға белсенді қатысып, ел болашағына атүсті қарамайтындарын көрсетті.
Луиза Мыңбаева, Жастар ұйымының төрағасы:
- Негізі осындай форумдар керек. Өйткені қазіргі таңда белсенділік танытып, сұрақ қойып, жауап алу халыққа қажет. Қаншама ақпарат алып жатырмыз. Менің ұстанымым, 15-наурыз күні баршамыз референдумға қатысып, өз даусымызды беру. Ол біздің азаматтық борышымыз деп білемін.
Тегтер #хабар24 #жаңалықтар #конституция #референдум 2026
Phone: +7 (7172) 757 485
E-Mail: 24kz@khabar.kz