Облыс орталығындағы мейрамханалардың бірі ақылды роботты жұмысқа алған. Әкімші әрі даяшы қызметіндегі робот қонақтарды қарсы алып, мәзір ұсынады.
Аспаз даярлаған тағамдарды тасып, қонақтармен әңгімелесе алады. Робот-даяшы көптің көңілінен шыққан. Әсіресе балалар қызыға тамашалайды. Мейрамхана иесі «Цифрландыру және жасанды интеллект жылын» осылайша қолдап отырғанын айтады.
Орынбасар Орынбаев, мейрамхана әкімшісі:
- Планшетіндегі басқару тетігі арқылы даяшылар үстелдің нөмірін көрсетеді. Сол кезде мәзірді немесе тағамдарды тапсырыс берген қонақтарға жеткізеді. Одан әрі қонақтар басқа үстелге немесе әкімшіге қарай бағыттап жібереді. Қонақтарымызға даяшы-роботымыз ұнап жатыр.
Тегтер #даяшы #робот #мейрамхана #қонақ #АқтөбеPhone: +7 (7172) 757 485
E-Mail: 24kz@khabar.kz