Қостанайда облыстық прокуратурасы өнеркәсіптік нысандардың жұмысынан заңбұзушылықтарды анықтады, деп хабарлайды «24KZ».
Қостанай облыстық прокуратурасының мәліметінше, Бейімбет Майлин ауданында эпидемиялық маңызы жоғары 11 кәсіпорын, олардың ішінде асфальтбетон зауыты, ірі элеватор, сондай-ақ бірқатар жер қойнауын пайдаланушылар көптеген жылдар бойы белгіленген санитарлық-қорғау аймақтарынсыз (СҚА) және санитарлық-эпидемиологиялық қорытындыларсыз жұмыс істеген.
Барлық кәсіпорындар әкімшілік жауапқа тартылды. Айыппұлдардың жалпы сомасы 6,3 млн. теңгені құрады.
Прокуратураның араласуынан кейін аталған кәсіпорындар санитариялық-қорғау аймақтарын белгілеу жобаларын ресімдеу және қажетті қорытындылар алу бойынша жұмысты бастады. Тиісті және уақтылы мониторинг жүргізбегені үшін аудандық санитарлық-эпидемиологиялық бақылау қызметінің басшысы тәртіптік жауапкершілікке тартылды -делінген хабарламада
Санитарлық қорғау аймақтары - бұл өнеркәсіптік және басқа нысандарды тұрғын үй аумақтарынан бөлетін және зиянды факторлардың адам денсаулығы мен қоршаған ортаға әсерін қауіпсіз деңгейге дейін төмендетуге қызмет ететін қорғаныс тосқауылы.
Санитарлық-қорғау аймақтарының болмауы тұрғындардың денсаулығы мен экологиясына тікелей қауіп төндіреді.
Тегтер #Қостанай облысы #қоршаған орта #прокуратура #24жаңалықтар #24KZPhone: +7 (7172) 757 485
E-Mail: 24kz@khabar.kz