Биыл 3 млн-нан астам бала жазғы лагерлерге барады. Бұл – елдегі жалпы оқушылар санының 86%-ы. Балалардың демалысы қауіпсіз өту үшін бақылау күшейді.
Оған қоса енді мемлекеттік және жекеменшік білім беру-сауықтыру орталықтары лицензияланады. Олардың жеке ғимараты, арнайы бағдарламалары және қауіпсіздікті қамтамасыз ету мақсатында бақылау бейнекамералары мен дабыл жүйесі болуы керек. Лицензия ұйымдарға «Электрондық үкімет» порталы арқылы 5 жылға беріледі. Оқу-ағарту министрлігінің дерегінше, елде осы жылы 11 мыңнан астам жазғы демалыс орталығы жұмыс істейді.
Шынар Ақпарова, ҚР Оқу-ағарту вице-министрі:
- Білім туралы заңға өзгерістер енгізілуіне байланысты бізде жазғы демалыс орталықтары, білім беру және сауықтыру бағдарламаларын жүзеге асырады. Қазіргі таңда Оқу-ағарту министрлігімен осы оқу бағдарламаларына қатысты барлық үлгілік қағидалар бекітілді. Осыған сәйкес барлық демалыс орталықтарында бағдарлама негізінде жұмыс жүргізіледі.
Тегтер #хабар24 #жаңалықтар #балалар #лагерь
Phone: +7 (7172) 757 485
E-Mail: 24kz@khabar.kz