ҚР Оқу-ағарту министрлігінің бірінші вице-министрі Шынар Ақпарова мектеп формасына қойылатын талаптар сақталмаған жағдайда баланы сабаққа кіргізбеуге бола ма деген сұраққа жауап берді, деп хабарлайды 24KZ.
Ол Орталық коммуникациялар қызметінде өткен брифингте ата-аналар мектеп формасына қойылатын талаптарды сақтауға міндетті екенін айтты.
«Білім туралы» заңға сәйкес, балаларды оқу процесінен алаңдатуға жол берілмейді. Бала сапалы білім алуға құқылы. Сондықтан баланы мектепке кіргізбеуге болмайды, – деді бірінші вице-министр.
Сонымен қатар ол ата-аналардың да өз міндеттері барын атап өтті.
Оның айтуынша, «Білім туралы» заңның 47-бабында білім алушылардың құқықтары мен міндеттері, ал 49-бабында ата-аналардың міндеттері белгіленген.
Мектеп формасына қойылатын талаптарды білім беру ұйымы қамқоршылық кеңесі және ата-аналар қауымдастығымен бірлесіп бекітеді.
Шынар Ақпарованың түсіндіруінше, Әкімшілік құқық бұзушылық туралы кодекстің 409-бабына сәйкес, талапты алғаш рет бұзған жағдайда ата-анаға ескерту жасалады.
Ал бір жыл ішінде қайталап бұзған жағдайда 5 АЕК көлемінде айыппұл салынады. 2026 жылы бұл 21 625 теңгені құрайды.
Тегтер #Мектеп формасы #айыппұл #24жаңалықтар #24KZPhone: +7 (7172) 757 485
E-Mail: 24kz@khabar.kz