Орал қаласын ауызсумен қамтамасыз ететін «Батыс Су Арнасы» серіктестігінде бюджет қаражатын жымқыруға жол берілмеді, деп хабарлайды 24KZ.
Бұл туралы Батыс Қазақстан облысы бойынша Экономикалық тергеп-тексеру департаменті хабарлады. Ведомство мәліметінше, кәсіпорында ауызсуды залалсыздандыруға арналған жабдықтарды жеткізу және орнату бойынша мемлекеттік сатып алуды өткізу кезінде заң бұзушылықтар анықталды. Сот-тауартану сараптамасының қорытындысына сәйкес жеткізілуі тиіс жабдықтардың құны нарықтағы бағадан 421 млн теңге жоғары болған.
Лаура Оразғалиева, БҚО Экономикалық тергеп-тексеру департаментінің аға тергеушісі:
– Қазіргі уақытта сотқа дейінгі тергеп-тексеру жүргізілуде. Лауазымды тұлғаларды ұстап алу жүргізілмеді. Сотқа дейінгі тергеп-тексеру «Батыс Су Арнасы» ЖШС-нің негізгі қызметіне, оның ішінде жұмыскерлердің жалақысын кешіктіруге әсер етпейтінін хабарлаймыз.
Тегтер #24KZ #Орал #қазына #қаржы жымқырды #БҚОPhone: +7 (7172) 757 485
E-Mail: 24kz@khabar.kz