Елде Республика күніне орай сауда орындарында мерекелік жеңілдіктер басталды. Republic Day және Bereke Fest науқанына ел бойынша 649 сауда нысаны қосылған. Оның 232-сі ойын-сауық орталықтары мен сауда үйлері болса, 417-сі бөлшек сауда дүкендері, деп хабарлайды 24KZ.
Акция 27 қазанға дейін жалғасады. Тұтынушылар азық-түлік пен күнделікті қажетті тауарларды жеңілдетілген бағамен сатып ала алады. Жекелеген өнімдерге берілетін жеңілдік 50 пайызға дейін жетеді. Ауқымды іс-шараға еліміздің барлық өңіріндегі сауда орталықтары қатысып отыр. Науқанды сауда және интеграция министрлігі жергілікті атқарушы органдармен бірлесіп ұйымдастырды.
Еркежан Мұхамадиева, «Анвар» гипермаркетінің cатып алу менеджері:
– Республика күніне орай Сауда министрлігі мен жергілікті әкімдік ұйымдастырып жатқан «Береке Fest» науқанына біз екінші жыл қатарынан қатысып отырмыз. Мұнда көптеген тауарлар, әсіресе әлеуметтік маңызы бар азық-түлік өнімдері ұсынылған. «Береке Fest» науқанына бір ай бұрын дайындалып, серіктестерімізбен бірге арнайы науқанға қатысып жатырмыз.
Тегтер #республика күні #сауда #нысанPhone: +7 (7172) 757 485
E-Mail: 24kz@khabar.kz