Елде ерекше білім беруді қажет ететін 237 мың бала бар. Оларға 541 ұйым мен 11 мың арнайы педагог қолдау көрсетеді. Алайда бұл жеткіліксіз. Салада 3 мыңнан аса маман жетіспейді, деп хабарлайды 24KZ.
Кадр тапшылығы әсіресе республикалық маңызы бар қалалар мен Түркістан, Маңғыстау және Алматы облыстарында байқалады. Құрылтайдағы Үкімет сағатында осылай деген Оқу-ағарту министрі мәселенің қалай шешіліп жатқанын да баяндады. Кадр тапшылығын қысқарту мақсатында колледждерде 500 логопед пен 200-ден аса педагог-ассистент оқытылып жатыр. Сондай-ақ бүгінде инклюзивті білім беруді дамыту бойынша ведомствоаралық кешенді жоспарды іске асыру қолға алынды. 5 жылға арналған бұл құжат балалардың бірдей білім алу құқығын қамтып, оқушылардың қажеттілігін уақытылы анықтауға бағытталған.
Тегтер #педагог #маман тапшылығы #Оқу ағарту министрлігі #ТаңдаулыPhone: +7 (7172) 757 485
E-Mail: 24kz@khabar.kz