АҚШ-тың солтүстігіне қалың қар жауды

АҚШ-тың Нью-Йорк және Пенсильвания штатында қалың қар түсті.

Жауған ақ ұлпаның қалыңдығы тізеден келеді, 61 см-ге дейін жеткен. Одан аяқ алып жүру мүмкін емес. Ал тәулік ішінде 200-ден астам жол-көлік оқиғасы тіркелді. Билік Нью-Йорк штатының кей аудандарында төтенше жағдай режимін жариялады. Сондай-ақ маңызды жолдарды уақытша жапты. Олардың айтуынша, қолайсыз ауа райы әлі сақталады. Тағы АҚШ-тың бірнеше аймағына қауіп төніп тұр.