Қытай мен Америка Құрама Штаттары Женевада өткен сауда келіссөзінде оң нәтижеге қол жеткізді.
Бұл туралы кездесуде үйлестіруші болған Қытай Мемлекеттік кеңесінің вице-премьері Хэ Лифэн мәлімдеген. АҚШ тарапын Қаржы министрі Скотт Бессент бастап барды. Лифэннің айтуынша, олар экономикалық және сауда мәселелері бойынша кеңесуді жалғастыру үшін екіжақты тетік құруға уағдаласқан. Келісімнің егжей-тегжей жақын арада жарияланбақ. Бұл сәуірде екі елдің арасында басталған тарифтер текетіресінен кейінгі алғашқы ресми кездесу. Осының алдында Трамп Қытай тауарларына салынған салық көлемін 145%-тен 80%-ке төмендету мүмкіндігін қарастырып жатқанын айтқан болатын.
Хэ Лифэн, ҚХР Мемлекеттік кеңесінің вице-премьері:
- Қытай мен АҚШ-тың ортақ күш-жігерінің арқасында келіссөздер жемісті өтті. Біз тең құқықты диалог пен кеңесу арқылы келіспеушіліктерді реттеуде маңызды қадам жасадық. Бұл әрі қарайғы ынтымақтастыққа жол ашты.
Тегтер #Женева #Қытай #АҚШ #сауда келіссөзі #Трамп #тариф саясаты #ТаңдаулыPhone: +7 (7172) 757 485
E-Mail: 24kz@khabar.kz