Австралия жанармай салығын азайтады

Австралия жанармай мен дизель отынына салынатын салық көлемін 2 есе азайтты.

Уақытша шешім 1 сәуірде күшіне еніп, маусымның соңына дейін жалғасады. Осылайша үкімет Таяу Шығыстағы қақтығыс туындатқан ғаламдық энергетика дағдарысы кезінде ел азаматтарына қолдау көрсетуді көздейді.

Бұдан бөлек үлкен жүк тасымалынан алынатын жол алымы 3 айға тоқтатылмақ. Премьер-министр Энтони Альбаниз нарықтағы жағдайдың оңай еместігін алға тартады. Мұнда өткен аптада дизель отынының бағасы 3 Австралия долларына жеткен. Бұл шамамен 1000 теңге. Ал жанармай 2 жарым Австралия долларына қымбаттады. Бұл кейінгі 20 жылдағы ең жоғары көрсеткіш. 

Энтони Албаниз, Австралия премьер-министрі:

- Таяу Шығыстағы соғыс жалғасқан сайын оның салдары ауырлай бермек. Біз қазірден өз азаматтарымызға осыны ескертуге тиіспіз. Халық та қатты алаңдаулы. Бірақ бізде осы дағдарысқа қарсы тұру үшін нақты жоспар бар.

Тегтер #Австралия #жанармай #салық #24KZ