Сот Тараз қалалық көпсалалы ауруханасы бас дәрігерінің экономикалық және шаруашылық істері жөніндегі орынбасары Шаушенова мен бас бухгалтер Достаеваға қатысты үкім шығарды, деп хабарлайды 24kz.
Олар «Қайрат Құрылыс-ҚК» аффилирленген кәсіпорнына жалған құжаттар арқылы заңсыз аударым жасап, 758 млн теңгеден астам бюджет қаражатын жымқырғаны үшін кінәлі деп танылды.
Данияр Бегайдаров, ҚР Сыбайлас жемқорлыққа қарсы іс-қимыл агенттігінің ресми өкілі:
- Сонымен қатар бас дәрігердің орынбасарына қылмыстық жолмен алынған қаражатты заңдастыру айыбы да тағылды. Сот үкімімен Шаушенова 9 жылға, ал Достаева 6 жылға бас бостандығынан айырылды. Сонымен қатар сотталғандар қаржылық қызметке байланысты лауазымдарды 10 жыл мерзімге атқару құқығынан айырылады. Сот актісі заңды күшіне енген жоқ. Сонымен қатар Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес қылмыстық құқықбұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.
Тегтер #Жамбыл облысы #орынбасар #сотPhone: +7 (7172) 757 485
E-Mail: 24kz@khabar.kz