Қызылорда облысында Қазалы аудандық сотының төрағасы мен судьясы ірі көлемде пара алғаны үшін 9 жылға бас бостандығынан айырылды, деп хабарлайды «24KZ».
Сот төрағасы Дәурен Әбдіқалықов пен судья Серік Бертай Қылмыстық кодекстің 366-бабының тиісті тармақтары (алдын ала сөз байласу арқылы топ адам болып, бірнеше рет пара алу) бойынша кінәлі деп танылып, әрқайсысы 9 жылға сотталды.
ҰҚК мәліметінше, күдіктілер биыл қаңтар айында пара алу кезінде ұсталған. Қазалы аудандық сотының төрағасы алаяқтық үшін сотталған адамның туыстарынан жазасын жеңілдету үшін 6 миллион теңге, ал кейін мерзімінен бұрын босату үшін тағы 300 мың теңге алды деген күдікке ілінгенін жазған болатын. Тергеу барысында бұл іске судья Серік Бертайдың да қатысы бар екені анықталды.
Тегтер #Пара алу #сот #24жаңалықтар #24KZ #ҰҚКPhone: +7 (7172) 757 485
E-Mail: 24kz@khabar.kz