Испания құрамасы жартылай финалға берілген алғашқы жолдамаға ие болды

Футболдан 2024 жылғы Еуропа чемпионатында Испания құрамасы жартылай финалға берілген алғашқы жолдамаға ие болды.

Овертаймға ұласқан ойында Испанияның бағы жанды. Қорытынды есеп 2:1. Құрлықтық доданың тағы бір ширек финалында Франция мен Португалия жолықты. Кіл мықтылар жиналған қос құрама негізгі уақытта да, экстра-таймда да гол сала алмай, жеңімпаз пенальти сериясында анықталды. Португалия құрамасының ойыншысы Жоау Феликс 11 метрлік айып добын тебуден мүлт кетіп, Франция құрамасы 5:3 есебімен жеңіске жетті. Осылайша француздар жартылай финалға жолдама алған екінші команда атанды. Айта өтейін, бүгін Англия мен Швейцария, Нидерланд пен Түркия құрамалары кездеседі.