Ресейдің бұрынғы вице-премьері Елбасы Жолдауына жоғары баға берді
Үшінші жаңғыртудың кешенді бағдарламасы әлемдік экономиканың жаһандық үдерістерін ескереді.
Біздің арнаға сұхбат берген Еуразиялық экономикалық одақтың іскерлік кеңесінің басшысы Ресейдің бұрынғы вице-премьері Виктор Христенко Қазақстан Республикасының Президенті Нұрсұлтан Назарбаевтың Жолдауына жоғары баға берді. Ресей мемлекеті қайраткерінің пікірінше, үшінші жаңғыртудың басымдылығы тек заманауи үрдістерді ұстану емес. Бұл – Қазақстан Республикасы Президентінің жаһандық үрдістерді ұлттық экономиканың өсуіне пайдалану туралы нақты қойған міндеттері.
Виктор Христенко, ЕурАзЭҚ Іскерлік кеңесінің басшысы:
- Нұрсұлтан Назарбаевтың биылғы Жолдауы 25 жылдың қорытындысы ғана емес, тіпті келешек онжылдықтың бағытын айқындап берді. Президент әлемдегі елеулі өзгерістерді бағалай келе ел өнеркәсібінің, агроөнеркәсіптік кешенінің, инфрақұрылымының, сондай-ақ көлік-логистикалық мүмкіндіктеріне қатысты маңызды міндеттерді көрсетіп берді. Менің ойымша, бұл – қол жеткізуге болатын нәтиже.