Қостанайлық заңгерлер Елбасы Жолдауын талқыға салды

Бүгінгі күннің өзекті тақырыбы Конституцияға өзгерістер мен толықтырулар енгізу мәселесі Қостанайда да кеңінен талқыланды.

Жергілікті заңгерлер еліміздің ең басты құжатына қатысты пікірлерін Мәжіліс, Сенат депутаттарымен бірлесе отырып та пысықтаған. «Кеңесіп пішкен тон келте болмайды» деген қостанайлық заң мамандары былай деп ой қосып отыр.

Владимир Шакун, облыстық адвокаттар алқасының адвокаты:

- Біздің ойымызша, сот жүйесінің бір тармағы ретінде Конституцияда бекітілгендей, Жоғары сотқа заң шығаруға белсенді қатысу құқы берілу керек. Сот билігіне бұл үлкен жауапкершілік артады және олар қазіргі сәтте бұған дайын деп есептейміз.